Вогт-Којанаги-Харада болест

Најчести манифестации се главоболки (кај 67% од случаите), окуларна зафатеност со панувеитис, витилиго на кожа, алопеција и внатрешни пореметувања на увото. Болеста може да се подели на 4 клинички фази. Продромичната фаза се карактеризира со неспецифични симптоми како треска, гадење и вертиго, и потоа со невролошки симптоми како мускулна слабост, хемипареза, хемиплегија, дисартрија и орбитална болка. Во офатомолошка фаза, која се случува неколку дена после првата фаза, пациентите се жалат на заматен вид, болка во очи, фотофобија или централен скотом (двострана во 80% од случаите). Често се случува двострано, сериозно, нерегматогено одвојување на ретината. Пореметувања на слухот и вртоглавица се чести дури кај 75% од случаите. Конвалесцентната фаза се случува по три месеци од почетокот на болеста. Се карактеризира со појава на кожни знаци како полиоза која ги зафаќа и веѓите и трепките и некогаш и скалпот и влакната на телото, потоа загуба на коса и витилиго - најчесто перилимбално. Повторувачки увеитис и офтамолошки компликации се појавуваат во крајна фаза, која е хронична повторлива фаза.