Бабесиоза

Поголемиот дел од имунокомпетентните пациенти имаат блага до средно тешка болест или се асимптоматични. Симптомите обично започнуваат 1-4 недели после каснување од инфициран крлеж, или 1 недела до 6 месеци после трансфузија со инфицирана крв. Најчести симптоми се треска (која може да достигне и 40.9 степени целзиусови и може да е придружена со спленомегалија), замор и слабост. Други вообичаени симптоми се: треска, потење, главоболка, мијалгија, артралгија, непродуктивна кашлица, мачнина и анорексија. Помалку често, дел од пациентите може да имаат и болно грло, фотофобија, повраќање, загуба на телесна тежина и депресија. Симптомите може да траат 1-2 недели, но заморот може да трае и неколку месеци потоа. Кај имунокомпромитираните пациенти има посериозни и подолготрајни инфекции со релапси и затоа е потребен и прием во болница. Б. дивергена и Б. дункана инфекции се многу сериозни и најчесто се јавуваат кај лица кои немаат слезина. Компликации се случуваат кај половина од хоспитализираните пациенти и вклучуваат дисеминирана интраваскуларна коагулопатија и акутен респираторен дистрес синдром, а помалку често е погоден црниот дроб, се случува ренален или конгестивен застој на срце, кома и смрт.