SAPHO (САПХО) синдорм

Возраста на која започнува болеста е од детство до доцна зрела возраст, со средна возраст на почеток од 30 до 40 години. САПХО синдром се состои од широк спектар на аномалии кои се карактеризираат со варијабилни комбинации на остеоартикуларни и кутани појави, со различен степен на сериозност. Почетокот на болка во коските и зглобовите, вкочанетост и отекување најчесто потајно се појавуваат. Кај возрасни, воспалувањето се случува воглавно во предниот дел на градите, но и во ‘рбетот, и помалку често во мандибулата и илијачните коски. Кај децата се покажува споредлива дистрибуција, како хроничен небактериски остеомиелитис (ЦНО/ЦРМО) (како долги коски, клавикула, ‘рбет). Кога се појавува синовитис, најчесто се манифестира во сакро-илијачните зглобови, колкови или колена и стерноклавикуларните зглобови. Во зависност од сериозноста на симптомите, може да се забележи ограничување на движењето. Дерматолошките симптоми вклучуваат акни, палмоплантарна пустолоза, и пустуларна псоријаза. Кожните манифестации обично почнуваат помеѓу 1-2 години пред коскените промени, но може да се појават симултано или 20 години подоцна. Пациентите може да страдаат и од болка во стомакот, дијареја, анални фисури или апцеси, укажувајќи на можна поврзаност со инфламаторна болест на цревата (ИБД). Повеќето автори сметаат дека ЦНО/ЦРМО е педијатриска форма на САПХО синдром. Всушност, честата појава на дерматолошки заболувања или ИБД укажува на вклучување на овие два ентитети во истиот спектар.