Трихо-денто-осеозен (коскен) синдром

Болеста покажува значајна клиничка варијација помеѓу различни фамилии и во една иста фамилија, каде хипоплазија на енамелот и тауродонтизмот се постојани карактеристики, но степенот на дефектите во енамелот може да варираат помеѓу различните пациенти во фамилијата. Зафаќањето на влакната и коските се повеќе варијабилни и зависат од возраста. Витканата коса се појавува при пораѓање кај 80% од пациентите, но отприлика половина од овие пациенти ја губат оваа карактеристика до адолесенција. Коскената минерална густина исто така варира со годините, особено во радиусот и улната. Дополнително, коскената минерална густина на 'рбетниот мозок се зголемува со тек на годините. Други опишани карактеристики вклучуваат рамни или ронливи нокти, зголемен ризик за кариез и забни абцеси, задоцнето излегување на забите, тубуларна склероза на долгите коски, долихоцефалија (како резултат на краниосинестоза) и недостиг на пнеуматизација (воздух) во мастоидот, фронталните синуси и просторот помеѓу надворешниот и внатрешниот слој на кортикалните черепни коски.