Еозинофиличен гастроентеритис

ЕГЕ може да се појави на било која возраст, но најчесто помеѓу 30 и 50 години од животот. Може да влијае на било која област од дигестивниот тракт, но најчесто го зафаќа стомакот и дуодендумот. Клиничката презентација варира и зависи од тоа кој дел од дигестивниот тракт е зафатен и колкава е еозинофиличната инфилтрација. Дефинирани се три подтипови врз основа на слојот од дигестивниот тракт кој е зафатен. Мукозна ЕГЕ (која е најчеста) се карактеризира со болка во стомак, дијареја (без или со крварење), диспепсија, мачнина, повраќање, губење на телесна тежина и симптоми на ентеропатија со губење на протеини (отекување и едем). Кај деца и тинејџери, може да се забележат и ретардација на раст и неуспех во напредокот. Мускулната ЕГЕ е често поврзана со хипертрофија и хиперплазија на мускулните слоеви, што води до симптоми на интестинална стеноза /опструкција (повраќање, мачнина). Многу поретко се забележуваат и симтоми на интусусепција (голема болка во стомак со грчеви). Серозална ЕГЕ се карактеризира со отекување, ексудативни асцити и периферна еозинофилија. Други карактеристики кои се забележани се и холингитис, панкреатитис и акутен апендицитис.