Гастроинтестинален стромален тумор

Гастроинтестинален стромален тумор е најчеста мезенхимална неоплазма на гастроинтестиналниот систем, обично се јавува кај возрасни луѓе постари од 40 години (средна старост 63 год.), и ретко кај деца, во различни делови на гастроинтестинален систем, повеќето во желудникот или тенкото црево, ректумот и дебелото црево. Симптомите на ГИСТ може да бидат асимптоматски или можат да бидат присутни различни неспецифични знаци, кои зависат од локацијата и величината на туморот, како губиток на апетит, анемија, губење на тежина, умор, чувство на подуеност, мачнина, повраќање како и присуство на крв во столица и интестинална обструкција. ГИСТ може да се види во фамилијарни синдроми како Карниева тријада и неврофиброматоза тип 1.