Стекната тромботска тромбоцитопенична пурпура

Почетокот на болеста е ненадеен и се појавува во зрелоста (средна возраст од 40 години). Продромските манифестации вклучуваат замор, артралгии, додека мијалгии и абдоминална и/или лумбарна болка се често забележани за време на дијагностицирање. Тромботската микроангиопатија е поврзана со МАХА, потрошувачка периферна тромбоцитопенија и променливо оштетување на органите заради дисеминирана микроваскуларна томбоза. Забележани се манифестации заради церебрална (главоболка, збунетост, напад, фокална дефициенција, изменета ментална состојба и кома; 50-80% од случаите), срцева (инфаркт, конгестивно затајување на срце, аритмии, кардиогенски шок и ненадеен срцев удар), и гастроинтестинална (абдоминална болка, гадење, повраќање и дијареја) вклученост. Реналната вклученост обично е блага. Текот на болеста е променлив. Пациентите може да патат од само една акутна ТТП епизода; меѓутоа, забележани се рецидиви кај 30-40% од пациентите. Стекнатата ТТП е обично идиопатска, но ретко може да се појави во поврзување со болест на сврзното ткиво (најчесто системски лупус еритематозус и Сјогренов синдром), инфекции (типично ХИВ инфекција) или после внес на тиклопидин. Пациентите со историја на стекната ТТП имаат ризик од рецидив за време на бременост.