Миоклонска-астатична епилепсија

Кј 94% од случаите, почетокот се јавува во текот на првите 5 години од животот, најчесто меѓу 3-4 години. Пред почетокот децата обично имаат нормален психомоторен развој, но кај некои е опишан примарен застој во развој. Некои пациенти имаат фебрилни напади пред почеток на епилепсија. Карактеристиките на МАЕ се миоклонско-атонични или миоклонско-астатични напади, кои се состојат од брзи грчести движења (се јавуваат аксијално или трункално), проследени со дроп напад (губење на мускулен тонус), што може да резултира со паѓања и повреди. Астатичните напади можат да се забележат без миоклонската компонента. Исто така и генерализираните тонични-клонични напади се меѓу најчесто забележаните напади. Може да се случат и отсутни напади. Кај некои пациенти може да се јават тонични напади, иако некои клиничари сметаат дека појавата на овие е исклучувачки критериум за МАЕ. Когнитивното оштетување е променливо, а опишани се и нормално когнитивно и умерено до тешко когнитивно оштетување. Кај некои забележани се импулсивност, агресија и аутистично однесување. Ремисијата на напади се јавува просечно од 3.5 години од почеток, но некои пациенти можат да патат од трајни непрестајни напади, често заедно со когнитивно оштетување.