Бета-таласемија интермедија

Т интермедија опфаќа широк клинички спектар со потешки случаи кои се јавуваат меѓу 2 и 6 годишна возраст со анемија, зголемување на слезина и понекогаш и на црниот дроб, како и одложен раст и развој. Во други случаи пациентите се целосно асимптоматски сѐ до возрасно доба со само блага анемија. Хипертрофија на еритроидната срж, со можност за екстрамедуларна еритропоиеза, е честа и води до карактеристични деформитети на коски и лице, остеопороза со патолошки скршеници на долгите коски и формирање на еритропоиетски маси коишто примарно ги зафаќаат слезината, црниот дроб, лимфните јазли, градите и 'рбетот. Поретко, хипертрофијата на еритроидната срж може да предизвика невролошки проблеми (компресија на 'рбетниот мозок со параплегија). Кај пациентите може да се развијат чирови и жолчни камења. Пријавена е и зголемена предиспозиција на тромбоза наспроти главна БТ, особено после сплинектомија. Иако пациентите имаат ризик од прекумерно оптеретување со железо, хипогонадизам, хипотироидизам и дијабетес не се чести. Може да се јави и срцева зафатеност како резултат на состојба со висок излез и пулмонална хипертензија, додека систолната функција на левиот вентрикул е зачувана.