Реактивен артритис

Постои голема варијабилност кога се појавува болеста, но најчесто е помеѓу 15 и 35 годишна возраст. РеА е ретка кај децата. Оваа болест обично се случува околу 1 до 3 недели после урогенитална или гастроинтестинална инфекција. Уринарните симптоми (полиурија и дисурија) се обично прва манифестација. Чести се наодите на инфекција на простатата кај машките и на грлото на матката, оваријалните туби и вагината кај жените. Артритисот се манифестира со болка, оток и осетливост на големите зглобови, генерално се појавува неколку недели или месеци после првичните симптоми. Обично зафаќа еден (колено) или повеќе големи зглобови (колена, скочни зглобови и палец на ногата). Тетивите и лигаментите блиску до зглобовите може да се воспалени, особено Ахиловата тетива и зглобовите во половината. Помалку чести се офталмолошки проблеми вклучувајќи коњуктивитис со еритема, печење, солзење и фотофобија. Додатни симптоми се исипи на луплива кожа на рацете и стапалата, промени на ноктите, дијареа, баланитис*, треска, губење на телесна тежина и улцери во устата. Кај повеќето пациенти, симптомите траат помеѓу 1 и 6 месеци. *баланитис - инфекција на главата на пенисот