Анисакијаза

Анисакијаза може да се појави во различни форми кои зависат од локацијата и лезијата која е предизвикана од ларвата. Кај луминалната анисакијаза, ларвата останува во гастроинтестиналниот тракт без да се пробие во ткивото и предизвикува асимптоматска инфекција која може да се открие кога црвите ќе бидат отстранети (помеѓу 1 ден и 2 недели по голтањето) преку кашлање, повраќање или дефекација. Кај инвазивната анисакијаза, ларвите се пробиваат во гастроинтестиналната мукоза (многу ретко на ниво на грлото). Формата со акутен гастрит се карактеризира со гадење, повраќање, абдоминална болка, дијареја која се случува во текот на 1-7 часа после проголтувањето на загадената храна. Ако се погреши со дијагнозата, инфекцијата може да биде хронична, со повторувачка абдоминална болка, гадење и повраќање кое може да трае од неколку недели до неколку години. Симптомите на акутната интестинална форма се слични на гастричната форма и се манифестираат 5-7 дена после конзумирање. Хроничните интестинални симптоми вклучуваат губење на тежина, благо грчење, абдоминална болка и дијареја која трае со месеци или години. Миграцијата на ларвата до перитонеалната празнина или во органите (мигрантна ларва) може да предизвика симптоми поврзани со специфичниот орган. Во некои случаи, анисакијазата е придружена со алергиски одговор како уртикарија, ангиоедем и анафилактичен шок. Кај луѓе кои се изложени на Анисакис алергени за време на својата работа може да се имаат симптоми како астма, коњуктивитис и дерматитис.