Беквит-Видеман синдром

Пациентите имаат тенденција забрзано да растат за време на втората половина од бременоста и во првите неколку години од животот; возрасната висина типично е во нормала. Абнормалното растење може да се манифестира и како хемихиперплазија и/или макроглосија (што води до потешкотии во хранење, говор и поретко апнеја во спиење). Хипогликемија е пријавена кај 30-50% од новородените. Препознатлив гешталт на лицето е чест и обично се нормализира до зрелост. Дополнително на макросомија, макроглосија, хемихиперплазија и хипогликемија, карактеристичните наоди може да вклучат омфалоцела, умбиликална хернија/дијастазис ректи, ембрионален тумор, набори на предната ушна школка и задна хеликална јама/и, невус фламерус или други васкуларни малформации, висцеромегалија на абдоминалните органи, фетална адренокортикална цитомегалија (патогномонична), ренални абнормалности, позитивна семејна историја, и поретко, расцеп на непце. Срцевите малформации се најдени кај 9-34% од случаите, а половина од нив имаат спонтано-разрешувачка кардиомегалија. Кардиомиопатијата е ретка. Пациентите имаат висока предиспозиција за ембрионални малигности, примарно во првите 8 години од животот со проценка на ризик од 7.5% (опсег од 4-21%).