Белодробна артериовенска малформација

Клиничките карактеристики варираат во голема мера, но во повеќето случаи БАВМ се асимптоматски поради успешната физиолошка компензација како полицитемија (зголемена концентрација на еритроцити) и зголемен срцев волумен. Средната возраст на појава е по 50тата година, но може и порано доколку се воочи преку скрининг програмите. Симптоми кај овие пациенти со анемија и срцеви и белодробни заболувања се диспнеја, умор и неможност за извршување на физичка работа. Хемоптизите се ретки но се најчеста причина за смртност на мајки во тек на бременост. Невролошките манифестации вклучуваат мигрена, исхемични мозочни удари/транзиторни исхемимчни атаки и мозочни абсцеси (колекција на гнојна течност) кои се препишуваат на парадоксалниот емболизам кај БАВМ. Тахиаритмијата и ангина можат да бидат присутни при дијагностицирање иако тие обично се одраз на многу покомплексна патологија; посебно недостаток на железо и/или висцерални артериовенозни малформации (АВМ) поради вродена хеморагична телеангиектазија (ХТ) како основа. Вродената ХТ е присутна кај повеќето пациенти со БАВМ (>90% во некои серии на испитување).