Беснило

Еволуцијата на беснилото следи три чекори. После контакт (касање) од инфицирано животно, инкубацијата трае од 20 до 90 дена додека пациентот останува асимптоматски. Траењето варира во зависност од квантитетот и локацијата на инокулирање. Во многу ретки случаи може да се продолжи и до неколку години. Втората фаза, продромалниот период, трае од 2 до 10 дена и се карактеризира со парестезија или болка на местото на инокулација. Други неспецифични симптоми кои може да се случат се нелагодност, анорексија, главоболки, треска, висока температура, дијареја, фарингитис, повраќање, мачнина, анксиозност, вознемиреност, несоница и депресија. Третата фаза е најспецифична и се вика акутен невролошки период. Поврзана е со чиста вклученост на централниот нервен систем и трае од 2 до 7 дена. Може да се појави во два типа: фуриозно беснило или парализирачко беснило. Во првиот случај пациентите покажуваат вознемиреност, хиперактивност, немир, касање, збунетост, растурање и кршење, или халуцинации. Хидрофобија и аерофобија се патогномонични за беснило и се случуваат кај 50 % од пацентите. После часови или денови овие знаци се појавуваат и на помалку од 5 минути, меѓу кои има фази на смиреност и луцидност. Може да се случат и епи напади. Терминалната еволуција на оваа фаза е кардиореспираторен удар или парализа. Во вториот случај, кој се нарекува и апатетично беснило, парализата се случува од почеткот на висока температура, главболка и нухална ригидност. Во двата слуачи, крајната еволуција е кома и смрт ако не се третира болеста навремено.