Бушке-Олендорф синдром

Почетокот може да се јави во било која возраст а изразеноста на коскените и кожните лезии е варијабилна. Остеопоикилозата се карактеризира со мали и кружни дамки на зголемена коскена густина и се главно лоцирани во епифизеалните области на тубуларните коски. Тие се безопасни и обично се пронаоѓаат случајно кога радиографските снимки се направени за друга цел, иако кај помал број на пациенти пријавени се болка и ограничено движење на зглобовите. Бројот на лезиите може да варира од неколку до многу лезии, обично на рамената, лактите, зглобовите на рацете, карлицата, колената и глуждовите. Кожните лезии кај БОС се невуси на сврзното ткиво. Овие лезии можат да бидат или широко распространети со боја на кожа или жолти мали папули, или полокализирани поголеми лезии т.н жолти пликови. Кај семејствата со БОС, погодените лица може да имаат и коскени и кожни лезии, или само една од овие две. Мелореостоза е опишана кај некои пациенти со БОС семејства.