Вродена парализа на ларинксот (грклан)

Вродена ларингеална парализа е ретка аномалија на ларинксот која се карактеризира со еднострана или обострана парализа на гласните жици, како резултат на дисфункција на моторната инервација на гркланот. Обично се јавува при раѓање (или кратко потоа после тоа) со стридор, слаб плач, дисфонија или афонија, тешкотии со хранењето или аспирација и повремено со респираторна инсуфициенца (слабост). Честопати со овој синдром се поврзани и невролошки заболувања, маси кои предизвикуваат компресија и аберантни крвни садови. Повеќето случаи се решаваат спонтано во текот на 6 до 12 месеци. Забелешки: Дисфонија-се подразбираат сите нарушувања на гласот без оглед на причината. Афонија-состојба која се карактеризира со целосно или делимично губење на гласот.