Дариер болест

Почетокот на болеста обично се јавува околу пубертет. Кај пациентите се јавуваат масни и обоени (жолто-кафеави или кафеави) кератотични папули. Кожните лезии често се инфицираат и мирисаат лошо, а предизвикуваат и неудобност. Може да се влошат со изложување на сончева светлина или вештачко УВБ зрачење, топлина, потење, триење и инфекции. Местата на најчесто појавување се себореичните области на телото и лицето: горниот дел на градниот кош, грбот, страните на вратот, челото, ушите и скалпот. Исто така вклучени се и флексиите (препоните, аксилите и аногениталниот регион). Исто така и кај дланките и стапалата можат да се појават дискретни папули на дорсалните површини. Со внимателен преглед на дланките и долниот дел на стапалата често се откриваат мали јами или пукнати кератози што се високо сомнителни, ако не и специфични, за ДД. Тие ја покажуваат специфичната комбинација на црвени и бели лонгитудинални пруги и ја претставуваат субунгвалната хиперкератоза. Тврдото непце, оралната слузница, езофагусот, вулвата и ректумот можат да бидат местата на бели мали папули, често густо групирани (леукоплакија). Абнормалностите на ноктите се скоро секогаш присутни и имаат дефект во форма на V. Пациентите имаат зголемена подложност за херпес симплекс и пиогенски инфекции. Сериозноста на болеста е високо променлива, па дури и во истото семејство.