Допа-респонзивна дистонија заради недостаток на сепиаптерин редуктаза
Definicija
Допа-респонзивна дистонија (ДРД) заради недостаток на сепиаптерин редуктаза (СРД) е многу ретко неврометаболичко нарушување кое се карактеризира со дистонија со диурнални флуктуации, аксијална хипотонија, окулогирични кризи и застој во моторниот и когнитивниот развој.
Пребарување
Pun naziv
Допа-респонзивна дистонија заради недостаток на сепиаптерин редуктаза
Kratki naziv
---
Sinonimi
Недостаток на СПР ДРД без автосомна рецесивна сепиаптерин редуктаза Недостаток на сепиаптерин редуктаза ДРД заради СРД
Orpha broj
70594
Kategorija
Podkategorija
Naziv na stranom jeziku
---
Prevalenca
---
Nasleđivanje
Автосомно рецесивно
Period početka bolesti
---
ICD 10
G24.1
OMIM
612716
UMLS
C0268468
GARD
10365
MEDDRA
---
Tekstualni opis
Почетокот се појавува пред првата година од животот со манифестации на дистонија, моторен и јазичен застој, слабост, аксијална хипотонија (и хипотонија во тетраплегична дистрибуција) и окулогирични кризи што покажуваат диурнални флуктуации (полоши навечер а подобри наутро после спиење). Пореметувањата на сон и психолошките симптоми (анксиозност, раздразливост) се чести подоцна во детството. Често забележани се интелектуални дефицити, но некои може да искусат само благи до умерени потешкотии во учењето. Поретки карактеристики вклучуваат паркинсонизам (тремор, брадикинезија, ригидност, маскирано лице), дисартрија, хиперрефлексија, хипертонија на екстремитети и автономни знаци. Почесто, дистонија и очигледни диурнални флуктуации се развиваат само во текот на болеста, додека пак вообичаените симптоми кај доенчиња како што се застој во развој и хипотонија, се неспецифични.
Etiologija
ДРД заради СРД се случува заради мутации во СПР генот (2p14-p12), кој го енкодира ензимот сепиаптерин редуктаза (СР). Различните мутации во овој ген водат до намалена активност на СР и до намалено производство на моноамин невротрансмитери.
Prognoza
bolest_prognoza
Diferencijalna dijagnoza
Диференцијалната дијагноза вклучува други форми на ДРД како што се автосомна рецесивна ДРД и автосомна доминантна ДРД, паркинсонизам со инфантилен почеток, спастична параплегија со инфантилен почеток, некои форми на епилепсија и церебрална парализа.
Tretman
Како и другите форми на ДРД, ДРД заради СРД драматично реагира на терапија со леводопа (Л-допа). Л-допа често се комбинира со периферен инхибитор на декарбоксилаза како што е карбидопа или бензеразид. Со лекување треба да се започне колку што е можно порано за да се избегне непоправливо невролошко оштетување. Дозирањето со Л-допа може да варира од 0.1 до 16.0 мг/кг/дневно. Минливи дискинезии често се појавуваат како резултат на лекувањето, но обично се решаваат со намалување на дозата. Кај пациенти со недоволно подобрување на симптомите со Л-допа терапија, треба да се даде 5-хидрокситритофан (5-ХТП) со доза од 0.14 до 6 мг/кг/дневно со карбидопа (за да се намалат несаканите ефекти), затоа што комбинираната терапија може да резултира со понатамошни подобрувања на моторни симптоми и сон. Лекувањето е доживотно.
Dijagnostičke metode
Карактеристичните наоди на цереброспиналната течност (ЦСФ) вклучуваат ниски нивоа на 5-хидроксииндолеацетик (5-ХИАА) и хомованилична киселина (ХВА), и покачени нивоа на вкупниот биоптерин и дихидробиоптерин (БХ2). СР активноста во фибробластите е обично намалена или отсутна. Молекуларно генетско тестирање може да идентификува мутации во генот СПР, што ја потврдува дијагнозата.
Antenatalna dijagnoza
Пренатална дијагноза е можна кај оние со позната СПР мутација.
Epidemiologija
Преваленцата е непозната. До денес пријавени се приближно 43 случаи.
Genetsko savetovanje
Преносот е автосомен рецесивен, а можно е и се препорачува генетско тестирање.
Terapija
---
Klinička istraživanja
---