Инфантилна хипофосфатазија

Лицата со И-ХПП можат да бидат нормални при раѓање. Клиничките знаци кои се слични на рахитис генерално се јавуваат помеѓу раѓање и шестиот месец. Првичните манифестации можат да вклучат раздразливост, лошо хранење, неуспех во напредок, хипотонија, и поретко и напади. Други клинички знаци на И-ХПП вклучуваат застој во растот, низок раст, сини белки во очите, хипоминерализација на коските (омекнување или истанчување на черепот, рахитични ребра, сколиоза, задебелување на зглобовите и глуждовите и искривување на долгите коски), краниосиностоза (веројатно со згилемен интракранијален притисок), лабави лигаменти, и хиперкалкурија/хиперкалцемија. Некои пациенти имаат преран губиток на млечните заби. Кај некои постари доенчиња пријавено е и оштетување на бубрезите (нефрокалциноза заради хиперкалкурија). Тежината е варијабилна, но многу од погодените пациенти се во ризик од респираторно откажување заради рахитичните деформитети на градите во првата година од животот. Може да дојде до клиничко поклопување помеѓу умерено тешка И-ХПП и ХПП со почеток од детство.