Калифорниски Псевдотифус

Псевдотифус од Калифорнија е ретка, Рикецијална болест (рикеции Грам негативни бактерии) која се пренесува преку болви, предизвикана од инфекција со Рикеција фелис.* Пациентите можат да бидат асимптоматски или да презентираат неспецифични симптоми како треска, главоболка, генерализиран макулопапулозен осип, мијалгија, артралгија и повремено лимфаденопатија (зголемени лимфни јазли), гадење, повраќање, губење на апетитот и болка во стомак. Ретко можат да бидат присутни сериозни манифестации вклучувајќи невролошка дисфункција како фотофобија (преосетливо реагирање на светлина), губиток на слухот и знаци за менингит (воспаление на мозочните обвивки). Рикеција фелис - вид на бактерија, чиј патоген предизвикува тифус кај луѓе пренесен преку болви од мачка.