Мајчински наследен дијабетес и глувост

Првите симптоми може да се случат во било која возраст, но самата болест обично се дијагностицира во рана зрела возраст. Во повеќето случаи, почетокот на глувоста е пред почетокот на дијабетесот. Сериозноста на загубата на слухот е варијабилна, но е сензориневронална, билатерална и прогресивна и е многу подлабока на повисоки фреквенции. Во поголем дел од случаите, пациентите имаат појава на псевдо-тип 2 дијабетес со нормален или низок индекс на телесна тежина. Кај 20% од случаите се забележува псевдо - тип 1 дијабетес, понекогаш со кетоацидоза. Дијабетска ретинопатија е помалку честа кај МИДД пациентите отколку кај оние со класични форми на дијабетес. Во повеќе од 80% од случаите, пациентите развиваат специфична макуларна шема на дистрофиски лезии кои се гледаат само кај МИДД пациенти и се асимптоматични во повеќето случати. Органите со метаболична активност (мускули, миокардиум, бубрег, и мозок) се често погодени и потенцијално водат до болка во мускулите, симптоми во гастроинтестиналниот тракт, нефропатија, кардиомиопатија, и невропсихијатриски симптоми.