Медулобластом

Возраста на почеток на болеста е варијабилна и може да се појави кај пациенти од раѓање до зрела возраст (најчесто на 3-6 години, со тоа што само 25% од пациентите се помеѓу 15 и 44 години). Најчести симптоми се главоболка, повраќање, и атаксија. Дополнително се јавуваат и летаргија, оштетување на моторните или кранијалните нерви, парализа на видот, визуелни нарушувања поради хидроцефалија, вертиго, загуба на слух, промени во однесување, раздразливост, и екстракранијална болка (болка во грбот кај пациенти со спинални метастази). Околу 30% од педијатриските случаи имаат метастази кога се дијагностицираат. Поголемиот дел од метастазите се во централниот нервен систем, кои се расејуваат преку цереброспиналната течност (кранијална или спинална), додека расејувањето во други органи (коскена срцевина, црн дроб, бели дробови) е многу ретко при дијагноза. Кај мал број на пациенти, МБ е поврзан со Горлин синдром, фамилијална аденоматозна полипоза (ФАП, поврзаноста на ФАП со МБ е наречена Туркот синдром со полипоза) или со Ли-Фраумени синдром. Зголемената подложност на одредени тумори (невробластом), хематолошки малигнитети (акутна лимфобластна леукемија, акутна миелоидна леукемија) или нарушувања предизвикани од мутации во гените кои енкодираат компоненти на РАС сигналниот пат (Нунан синдром или неврофиброматоза - Нунан синдром) се пријавени во МБ.