Назофарингеален рак

Во класификацијата на Светската Здравствена Организација („WHO“/СЗО) препознаени се 3 подтипови на НПЦ: 1) рак на сквамозните клетки, кој обично се наоѓа кај постарите возрасни; 2) некератинирирачки рак; 3) недиференциран рак. Туморот може да се протега во или надвор од назофаринксот до другиот латерален ѕид и/или постеросупериорно до базата на черепот или непцето, носната шуплина или орофаринксот. Потоа обично метастазира до цервикалните лимфни јазли. Цервикалната лимфаденопатија е првична презентација на болеста кај многу пациенти, а дијагнозата е направена со биопсија на лимфни јазли. Симптомите поврзани со примарниот тумор вклучуваат тризмус, болка, отитис медија, назална регургитација заради пареза на мекото непце, губиток на слух и парализа на кранијалните нерви. Поголемите израстоци можат да произведат назална опструкција или крварење и „назален звук“.