Наизменична хемиплегија на детство

Почетокот се појавува пред 18 месечна возраст. Пароксизмалните окуларни моторни абнормалности (епизодичен нистагмус или девијација) се чести и рани (често во првите 3 месеци од животот) знаци, но често поминуваат непрепознати. Повторените епизоди на хемиплегија, кои траат од неколку минути до неколку дена и ги зафаќаат и двете страни на телото, се најизразените рани манифестации. Исто се случуваат епизоди на двострана хемиплегија или квадриплегија, или како генерализација на хемиплегичен напад или како двостран настан од почетокот. Другите пароксизмални наоди, кои се случуваат во изолација или за време на хемиплегични напади, вклучуваат тонични епизоди, фокални или еднострани напади на дистонија (често се случуваат во првите 6 месеци од животот), диспнеја и автономни феномени. Епизодите можат да бидат активирани од различни фактори: стрес од околината, изложеност на вода, физички активности, промени на светлост и одредена храна. Епизодните манифестации исчезнуваат веднаш после заспивање, но можат да се повторат брзо после будење во тек на долготрајни напади. Други невролошки манифестации вклучуваат епилепсија, застој во развој, интелектуален дефицит, хореатетоза, дистонија и атаксија.