Псевдохипопаратироидизам тип 1А

Почетокот на ендокрините симптоми започнува за време на детството, иако, за време на неонатален скрининг се пријавени случаи со тежок хипотироидизам. Пациентите имаат различи степени на АХО карактеристики (вклучувајќи прекумерна дебелина). Ектопичните окоскувања можат да се движат од отсутни до опсежни и да предизвикуваат силна болка. Застојот во развој е високо променлив, дури и кај семејства со истата мутација. Отпорот на ПСХ не е типично присутен при раѓање, но се развива со текот на времето, кај некои пациенти го има уште од неколку месечна возраст. Другите симптоми поврзани со хипокалцемија вклучуваат: отрпнатост, напади, тетанија, катаракта или дентални проблеми. Благиот отпор на ТСХ често е присутен при раѓање и може да се дијагностицира преку неонатален скрининг на конгенитален хипотироидизам и обично е асимптоматичен. Многу чести се гонадална дисфункција со одложено или нецелосно сексуално созревање, аменореја или олигоменореја и/или неплодност. Недостатокот на хормон за раст (ГХ) е присутен кај околу 60% од пациентите, додека пак отпорноста на калцитонин и на епинефрин е ретка. Отпорноста на хормони може да се развие со текот на времето, сѐ до доцна зрелост. Пријавени се и ревматолошки компликации. Еволуцијата на минерализација на коските останува нејасна.