Рак на ампулата на Ватер

Рак на ампулата на Ватер е редок малиген тумор кој потекнува од ампулата на Ватер што може да се презентира со симптоми на општ замор, губење на апетит, губење на тежина, гадење, повраќање, абдоминална болка и најчесто безболна опструктивна жолтица. Се верува дека туморот настанува од епителот на дуоденумот, панкреасот или билијарниот епител, што резултира со хистолошки типови. Главно, ракот на ампулата на Ватер има подобра прогноза (5-годишна стапка на преживување од 45%) отколку раковите на дисталните жолчни канали и панкреас.