Синдром на ектодермална дисплазија

Кај ектодермална дисплазија, кожата обично изгледа сува со површинско лупење и склоност кон дерматитис. Косата е често ретка и бавно расти со тенденција кон конгенитална до рана не-инфламаторна алопеција. Забите бавно растат и се дефективни во број (т.е хипо-, олиго- и анодонција), често се диспластични (во форма на клип) и покажуваат дисплазија на глеѓ. Ноктите имаат широк спектар на карактеристики, како дистрофични, задебелени или отсуство на нокти. Потните жлезди може да се намалат по број или тотално да ги нема што води до хипохидроза и анихидроза. Хипопластични гради и брадавици и стеноза или агенеза на солзните канали се понатамошни манифестации на вклученоста на потните жлезди. Може да се забележи широк дијапазон на додатни ектодермални карактеристики како што се: ахантоза нигриканс, хиперкератоза на дланките и стапалата, и кожна хамартома/неоплазма. Иако многу ектодермални дисплазии се нарушувања со манифестации органичени на кожата, влакната, забите, ноктите и потните жлезди, многу други карактеристики се придружни знаци на многу синдромични состојби со системско вклучување.