Спазмус нутанс

Возраста на почеток на болеста се движи од 4-12 месеци, а клинички СН се карактеризира со тријада на знаци, односно нистагмус, климање на главата и абнормално вртење или наведнување на главата (тортиколис). Нистагмусот е типично пендуларен, интермитентен, со мала амплитуда, високо фреквенциски осцилации (треперлив нистагмус) и обично е двостран, но може да биде монокуларен, асиметричен и променлив во различни положби на погледот. Климањето на главата не е секогаш присутно и често го следи почетокот на нистагмусот. Обично е интермитентно и со пониска фреквенција отколку нистагмусот. И нистагмусот и климањето на главата можат да се појават во било која рамнина (хоризонтална (почесто), вертикална, коса или торзиона). Може да бидат присутни страбизам и амблиопија, додека осцилоскопијата е отсутна. Интракранијалните, ретиналните или абнормалностите на оптичкиот нерв воглавно се отсутни.