Стург Вебер синдром

Малформацијата на крвните садови на лицето (класично наречена ангиома) е дамка со боја на црно вино, која е генерално присутна при раѓање и се наоѓа на челото или горниот очен капак од едната или од двете страни на лицето. Понекогаш, оваа дамка може исто така да ги покрие максиларните (горна вилица) и мандибуларните (долна вилица) области на лицето, а во некои случаи може да се прошири на трупот и екстремитетите. Меките ткива и коскената хипертрофија можат да бидат поврзани со развој на оваа промена со боја на црвено вино што може да доведе до проблеми со видот, слухот, голтањето и зборувањето. Во ретки случаи, може и воопшто да не се појави оваа промена. Зафаќање на очите може да се појави во кое било време, но генерално се забележува за време на детството и млада зрелост. Повеќе од 50% од пациентите развиваат глауком од истата страна на лицето, каде што оваа промена со боја на црвено вино може да доведе до оптичка атрофија и слепило. Исто така, присутни се малформации и на мозочните крвни садови. Кај доенчињата во првата година од животот може да се јави лептоменингеална ангиоматоза, одговорна за појава на фокални или комплексни напади, рана неспретност и испади во движењата на очните јаболка. Мигрената и епизоди слични на мозочен удар се исто така многу чести. Со прогресијата на болеста и во зависност од сериозноста на нападите, пациентите може да развијат хемипареза, хемиплегија и варијабилен степен на интелектуална попреченост. Поретко се гледа и недостаток на хормонот за раст.