Трихинелоза

Трихинелоза е зоонотско паразитско заболување кое се случува поради јадење на живо или незготвено месо (свинско или дивеч) што е инфицирано со нематоди од типот Трихинела и кое се карактеризира со интестинална фаза, која може да биде асимптоматска или може да се манифестира со дијареја, гадење, повраќање и абдоминална болка и со мускулна фаза која се манифестира со треска, периорбитален едем, мускулен оток и болка, слабост и во некои случаи кожен исип и периферен едем. Ретко, може да се појават потенцијални фатални срцеви (микардитис), респираторни (пнеумонитис и откажување на белите дробови) и неврални (менингоенцефалитис) компликации.