Фибуларна хемимелија

Еднострано зафаќање се јавува кај 2/3 од случаите, каде десната фибула е погодена повеќе отколку левата. Агенезата на двете фибули е ретка. Фибуларна хемимелија може да варира од делумно отсуство на фибулата (10% од случаите) со екстремитети кои изгледаат релативно нормално, до отсуство со одбележано кратење на фемурот, закривена тибија, лачно извивање на ногата, нестабилност на зглобот на коленото и значаен недостаток на мекото ткиво. Главниот функционален недостаток резултира со дискрепанца во должината на ногата во едностраните случаи или асиметричен џуџест раст во двостраните случаи. Стапалото е генерално во еквиновалгусна позиција. Бидејќи има ограничен потенцијал за раст во погодената коска, опсегот на деформитет има тенденција да се зголемува со тек на растењето. Повремено, фибуларната хемимелија е поврзана со конгенитално кратење на фемурот (фемур-фибула-улна комплекс). Други скелетни аномалии кои се појавуваат се: краниосинтоза, синдактилија, брахидактилија, олигодактилија и ектродактилија. Кај неколку генерализирани скелетни дисплазии и дистози исто се наоѓа фибуларна хемимелија. Ретко, фибуларната хемимелија е поврзана со нескелетни малформации како абнормалности на очите (аномалии на предна комора или анофталмија), срцеви аномалии, ренална дисплазија, тромбоцитопенија, торакоабдоминален шизис, спина бифида и многу поретко интелектуален дефицит. Фибуларната хемимелија може да е присутна во некои хромозомски аномалии.