Хиперсензитивен пнеумонитис

Се работи за интерстициелно белодробно нарушување кое е имунолошки обусловено а е последица на интензивно и пролонгирано вдишување на органска прашина. Заболуваат луѓе кои се со зголемена осетливост или висока реактибилност кон антигенот а за разлика од астма, примарно се зафатени алвеолите. Ако во почетокот се прекине изложеноста на антигенот, процесот нема да прогредира во фиброза. Белодробната хиперсензтивна реакција се добива со вдишување на спори од термофилни материи, гливички, животински белковини или бактериски продукти. Опишани се и посебни синдроми кои се резултат на разни загадувачи на околината. На пример фармерски бели дробови кои настануваат со вдишување на прав кој се создава од термофилни актинмицеси. Синдром на бели дробови кај одгледувачи на гулаби е предизвикај од протеините од серумот на гулабите, екскретите и пердувите. Познати се и синдроми на бели дробови кај берачи на печурки, потоа грозница од пердуви од пајки и др. Клиничките манифестации кај сите овие синдроми се различни. Акутните напади по вдишување доведуваат до покачени температура, потепкотии во дишењето и кашлица. Ако изложувањето продолжи повеќе од 4-6 години, јавува белодробна инсуфициенција со појава на хронична интерстицијална болест.