46,XY делумна гонадална дисгенеза

46, XY ПГД е хетерогено нарушување пое е поврзано со делумна абнормалност на функцијата и на Лејдиг клетките и на Сертоли клетките, што може да е последица на делеции или поинт мутации во генот SRY или полна дупликација на локус осетливи на доза (NR0B1) на Х хромозомот. Повеќето SRY мутации се де ново мутации, меѓутоа забележани се некои случаи на Х-поврзано наследување. Поважни се мутациите во стероидогенскиот фактор 1 (SF1, NR5A1, Ad4BP). SF-1 е нуклеарен рецептор и регулатор на повеќекратни гени кои се вклучени во адреналниот и гонадалниот развој, стероидогенеза и репродуктивната оска. Така, погодените пациенти може да имаат и адренална инсуфиенција. Синдромските форми на 46, XY ПГД се поврзани со WT-1 мутации, кои водат до променлива тестикуларна дисгенеза и зголемен ризик од ренални абнормалности, односно Вилмс тумори или нефротски синдром.

bolest_prognoza

Диференцијалните дијагнози ги вклучуваат сите форми на синдромска 46,XY гонадална дисгенеза (на пример, Фрејзер синдром, кампомелична дисплазија и 46,XY ДСД со адренална инсуфиенција) и слични фенотипи што исто така резултираат од 45,X/46,XY кариотип, познат како 45,X/46,XY мешана гонадална дисгенеза (45,X/46,XY МГД). Отсуството на 45,X лоза е многу важно за лекувањето и дијагнозата.

Лекувањето на пациентите има потреба од мултидисциплинарен тим. Неопходни се психолошката евалуација и советување на родители. Одредувањето на социјален пол треба да земе предвид етиолошка дијагноза, големина на пенисот, етнички традиции, сексуален идентитет и прифаќање на социјален пол доделен од родителите. Хормонската терапија кај пациенти со женски социјален пол е базирана на естроген и прогестерон кај оние пациенти кај кои матката е присутна за да се индуцираат менструации, а самостоен естроген кај пациенти без матка. Замена на андроген, вклучувајќи инјекции со тестостерон, се дава на пациенти со машки социјален пол. Потребна е операција за да се овозможи развој на соодветни надворешни гениталии и да се отстранат внатрешните структури кои не се соодветни на социјалниот пол, а треба да се направи пред 2 годишна возраст. Билатерална гонадектомија треба да се направи пред пубертет за да се избегне дегенерација на дисгенетско ткиво кај пациенти кои се одгледуваат како жени заради релативниот висок ризик од гонадална малигност.

Дијагнозата се поставува на база на клинички наоди со цитогенски анализи, ендокрини истражувања, молекуларни генетски проучувања и понекогаш и хируршка експлорација со биопсија.

Антенатална дијагноза е можна доколку се сомнева на генитална малформација со скенови и доколку постои семејна позадина.

Преваленцата е непозната.

Генетското советување е задолжително.

---

---